ភ្នំពេញ៖ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានលើកឡើងថា ក្នុងឆ្នាំ២០២៣ កម្ពុជាជប៉ុននឹងតម្លើងកិច្ចសហប្រតិបត្តិការរបស់ខ្លួនឱ្យទៅជាដៃគូយុទ្ធសាស្ត្រគ្រប់ជ្រុងជ្រោយ ក្នុងខួប៧០ឆ្នាំនៃការបង្កើតទំនាក់ទំនងការទូតរបស់ខ្លួន។

ថ្លែងក្នុងពិធីរំលឹកខួប១០ បូក១ឆ្នាំនៃប្រតិបត្តិការក្រុមហ៊ុន Minibea នៅកម្ពុជា ព្រឹកថ្ងៃទី១ ខែធ្នូ ឆ្នាំ២០២២នេះ សម្ដេចតេជោ ហ៊ុន សែន បានលើកឡើងថានេះជាការព្រមព្រៀងដែលនឹងបង្កើនប្រយោជន៍រវាងប្រទេសទាំងពីរ។

ការសម្រេចពង្រឹងទំនាក់ទំនងនេះត្រូវបានលើកឡើងក្នុងជំនួបទ្វារភាគីរវាងនាយករដ្ឋមន្ត្រីកម្ពុជា សម្ដេចតេជោ ហ៊ុន សែន និងនាយករដ្ឋមន្ត្រីជប៉ុនលោក គីស៊ីដា ហ៊្វូមីអូ កាលពីថ្ងៃទី១២ វិច្ឆិកា ឆ្នាំ២០២២៕